طنجاوي

فضح "كابو" فصيل "هيركوليس" ممارسات رئيس الشركة الرياضية لاتحاد طنجة، وقال إنه من يعرقل تقييد عقود لاعبي النادي بعدما رفض التوقيع على وثائقهم دون أن يكترث للظرفية التي يمر منها النادي.

وقال الزبير الشيخي التمسماني في تدوينة نشرها على حسابه بالفايسبوك "كونطراطات لي تجدّدوا ن اللاعبين كاملين VRAI، و واجدين محطوطين عند السي رئيس الشركة لي رافض أنه يسنيهم لسبب يعلمه الله وحده" مضيفا "الجمع العام لي عاملو العكّاز فالرويضة هو نفس الشخص، و هاد الأمور هي لي غا تخرج على الفرقة فهاد الساعة هادي."

وتابع قائلا موجها كلامه لرئيس شركة اتحاد طنجة نصر الله الكرطيط "بنشريفة، الكياني، الواسطي الحراق الغبرة إلخ لي بصمو على موسم نقولو فالمستوى راه باقيين ولكن تجديد العقود عاكل فاليدّ د السيد لي قلنا."

الخلاصة د القول، الجهة لي مور عرقلة تثبيت الركائز معروفة، تجديد العقود واقف حتى ترشقلو يسني و ما كاين لي يضغط عليه حيت الجهة الوصية لي ملي سالات البطولة وحنا كا نطبّلو تتحرك كا تقولوم دبرو نراسكوم معاه.

واسترسل "كابو هيركوليس" في تدوينته النارية "الانتدابات ممنوعة، الركائز التجديد ديالوم و تحسين العقود كاين، الإمضاء غائب عند السيد لي كي تصور فالجوائز دالكاف و عندو منصب فالجامعة و بنادم نازل على الجهة الغلط."

واختتم تدوينته مؤكدا "الاتحاد ضحية للشركة، و بنادم غا يبدا يجبر اسمو مكتوب فالحيوط دالمدينة كي بانلي هو ولي معاه. و شي طبقة لي نازلين على عبد ربّه ما تخافوشي، قريب نهنّيكم من راسي غير رتحو.المهم دابا الفرقة نحافظو عليها حتى يفكّ ربي هاد الخنز لي دايار"

ويواصل نصر الله الكرطيط فرض ممارسات غريبة تضر بالنادي وتهدد مساره منذ الموسم الرياضي المنصرم، ما كاد يهوي باتحاد طنجة نحو القسم الثاني.

وحسب المعطيات المتوفرة من مصادر موثوقة، فإن كرطيط يخطط للوصول إلى رئاسة نادي اتحاد طنجة، لأن هاد المنصب هو المدخل الوحيد للاحتفاظ بعضويته داخل المكتب التنفيذي للجامعة الملكية لكرة القدم، والجميع يعرف علاش بعض الوجوه مستعدة للقتال من اجل منصب قيادي في الجامعة.