طنجاوي

كولشي كيتساءل على شكون كيحمي واحد التاجر فحومة الشوك بتراب مقاطعة مغوعة، ومخليه مفرعن وكيتحدى السلطات؟!..
هاد السيد جات السلطة المحلية ممثلة فقائد الملحقة الإدارية 9 وقام بحملة لتحرير الملك العمومي، وفرض على هاد السيد كيف ما فرض على جميع التجار والمقاهي والمحلات يحترمو القانون، ووضع حد لظاهرة احتلال الملك العمومي، وهاد الحملة قوبلت بارتياح كبير من طرف المواطنين، للي كان ممنوع عليهوم الرصيف، ومفروض عليهوم يتزاحموا مع السيارات على استعمال الطريق ويتمشاو على الگودرون.
لكن هاد السيد مباشرة من بعد الحملة ديال السلطات بأيام قليلة رجع واحتل الملك العمومي، وكأنه كيقول أنا للي حاكم لازون، وحتى واحد ما يقدر يفرض عليه يحترم القانون، لدرجة ان الناس بدات كتساءل واش هاد السيد عندو شي حد كيحميه.
دابا الناس كتنتظر من السلطات تتدخل وتفرض القانون على الجميع.