محمد العمراني

اليوم الثلاثاء كاين اجتماع ديال اللجنة المكلفة بالبث في ترقية الموظفات والموظفين ديال جماعة طنجة، وكل سلم عندو الكوطا ديالو، وغالبا ما كتفوتش 25 او 30 فالمائة من عدد الموظفين المستحقين للترقية.

الاخبار القادمة من الكوزينة ديال قصر البلدية تؤكد ان هناك تدخلات وضغوط باش يترقاو بعض المحظوظات والمحظوظين على حساب الناس للي كيستحقو.

وحسب المعطيات الوثيقة للي عندنا، فإن بعض رؤساء المقاطعات وموظفين نافذين، وطبعا العمدة ، بل حتى بعض المقربين من الليموري للي معندهوم علاقة بالجماعة، كل واحد عندو موظف او موظفة باغي يدوزها فالاجتماع، للي ممكن يكون شكلي فقط.

الاخبار للي تسربت من قصر البلدية تفيد ان الولاءات للأشخاص وللحزب وحتى تبادل المصالح هي المتحكمة نتائج لجنة البث فالترقيات.

عموما غادي نتسناو لائحة المحظوظات والمحظوظين، وكونو هانيين غادي نفضحوهوم واحد بواحد وشكون دافع عليهوم.