محمد العمراني

سيبة كبيرة وفوضى عارمة واقعة فالمجمع السكني "ملابطا هيل" للي موجود بتراب الملحقة الادارية 10 مكرر (الدائرة الحضرية مغوغة) والأبطال ديالها ولاد الفشوش، للي دايرين حالة حولو حياة ساكنة هاد المجمع السكني إلى جحيم بعدما صبحت شوارع ديالو حلبة للسباق والتفحيط بالدراجات الرباعية (كواد)يوميا ولساعات متأخرة من الليل.

المصيبة ان الساكنة دارو شكايات لقائد الملحقة 10 مكرر وللباشا د مغوغة سي كريم، ومع ذلك لم يحركا ساكنا، بل كاين مؤشرات تفيد بعدم التجاوب مع شكايات المتضررين بدعوى ان هادو ولاد الفشوش وعندهوم النفوذ!!..

وهنا غادي نطرحو السؤال على الباشا كريم: علاش معطيتيش التعليمات ديالك للقايد 10 مكرر باش يتفاعل مع الشكاية ديال المتضررين، وكيفاش شي كيتم التعامل معاه بصرامة وتطبيق القانون او كثر من القانون فحقو، وكاين للي كيتم التغاضي عليه؟!!.

دابا الناس كيتساءلو كيفاش السيد الوالي التازي عاطي تعليمات صارمة بتطبيق القانون والتصدي للخروقات، والقايد د 10 مكرر والباشا د مغوغة رافضين يطبقو القانون؟!.